اخواني وأخواتي الأعزاء

حيث سبق لي في فترة من الفترات المشاركة في عدة منتديات ببعض من كتاباتي ، ونظرا لأن بعض هذه الكتابات قد تم تداوله ونقله على نطاق واسع في عدة منتديات أخرى دون الاشارة للمصدر ،  لذا فقد وجدت أنه من الأفضل انشاء هذه المدونة لتكون بمثابة تجميع لموضوعاتي سواء تلك التي سبق نشرها أو مايستجد منها ، وبالتالي فإن كافة موضوعات المدونة هي من كتاباتي الخاصة مالم يتم الاشارة الى غير ذلك .

وتقبلوا تحياتي .

1. City Bird قال:
   نوفمبر 23rd, 2007 at 23 نوفمبر 2007 9:35 م

   مش عجبتني ياهندسة حقي ولا مش حقي ؟

2. حمدي مطوة قال:
   نوفمبر 24th, 2007 at 24 نوفمبر 2007 10:10 ص

   ما ينفعشي يا هندسة تقول “بحبك يا عدوية”

   مقالتك دي بتفكرني بمقولة “المساواة في الظلم عدل” وهي مقولة خطأ طبعا لأ المساواة في الظلم مازالت ظلم ولم تتحول لعدل عند تقسيم الظلم بالتساوي

   بمعنى أن أحمد عدوية مثله مثل غيره وان اختلفت الأذواق، فاختلاف الأذواق من جيل لآخر يبين مدى الانحطاط الذي يسير إليه الناس.

   وأؤكد على كلامي بمثال :هل تذكر الدولة الفاطمية (الصفويين) التي حكمت مصر فترة من الزمن وغرست الأفكار الرافضية والبدع والموالد وغيرها، طبعا كانت النساء في ذلك الوقت أكثر حشمة من الأزمة التي تلت ذلك إلى جانب أمور أخرى كانت أحسن حالا من الآن فهل يجوز أن نقارن مثلا حال النساء في ذلك الوقت بحالهن الآن ونقول فين أيام الدولة الفاطمية وبحبك يا دولة يا فاطمية؟ .. أكيد لأ.

   وياريتك ما ضيعت وقتك في تحميل أغاني السح الدح إمبو لأن النتيجة المتوقعة غير مفيدة فهل علم لا ينفع وجهل لا يضر.

   أما بالنسبة لنقطة تغاضيت أنت عنها وهي حكم الشرع الصحيح في الغناء المصاحب بالآلات الموسيقية فهو حرام.

   وفي النهاية أنضم لرأي الأخ عصفور المدينة وأقولك المقالة دي مش اللي هي وبدون فائدة يعني ما عجبتنيش منك ولكن أتوقع منك شغل أحسن من ده بكتير في المقالات القادمة …

3. خالد محروس عثمان قال:
   نوفمبر 25th, 2007 at 25 نوفمبر 2007 4:59 ص

   عصفور المدينة

   بس يامعصفر ، انت ماقلتليش ايه اللي مش عاجبك في الموضوع بالضبط :

   ان كان عالاسلوب الاسلوب : انا شايفه اكثر من رائع .
   
   الفكرة : أكثر من جميلة .
   
   طريقة العرض : أكثر من ممتازة

   دا حتى لون النص جميل ياراجل ، ايه اللي مش عاجبك بس ؟ انا ماقدرش على زعلك ، وانت عارف كدا كويس ، عاوز تجنني ليه ياطنطاوي انت ؟

4. خالد محروس عثمان قال:
   نوفمبر 25th, 2007 at 25 نوفمبر 2007 5:08 ص

   ايه دا عصفور المدينة وحمدي مطوة في موضوعي مرة واحدة ، بالراحة علي شوي ياجماعة .

   ياعم حمدي ، والله وجهة نظرك جديرة بالاحترام ، مايجبش نقيس الحاجة الوحشة بحاجة اوحش ونقول ان دي حلوة عشان دي احسن من دي ، بس احنا عايشين في زمن مالوش وصف لذلك الواحد بيحن للجذور وبيحن لارض مصر الطيبة ، وبيقول ياريتنا نتقدم شوية ونبقى زيهم وبعدين ننطلق لاحسن .

   اما بالنسبة لكون الغناء حرام فانا لن ادخل في جدل حول هذه النقطة لانني اشرت الى ذلك في الموضوع ومش معقول انا اللي اخالف كلام نفسي ، ولكن يمكن اعمل موضوع مخصوص عن الاتجاه التحريمي اللي بيحرم كل حاجة (انا مش بقول ان دا اتجاهك لكن ناس كتير متأثرة بيه) وللاسف اصحابه عندهم مشاكل كتيرة جدا لانهم ضيقوا على نفسهم اللي ربنا موسعه ، وشكرا جزيلا لك .

5. مجهول قال:
   نوفمبر 26th, 2007 at 26 نوفمبر 2007 8:19 ص

   أمن هو قانت آناء الليل ساجدا وقائما يحذر الآخرة ويرجو رحمة ربه
   قل هل يستوي الذين يعلمون والذين لا يعلمون إنما يتذكر أولوا الألباب

6. خالد محروس عثمان قال:
   نوفمبر 26th, 2007 at 26 نوفمبر 2007 10:37 ص

   “أذن للذين يقاتلون بأنهم ظلموا وإن الله على نصرهم لقدير”

   شكرا لك .

7. henda_marselia قال:
   نوفمبر 26th, 2007 at 26 نوفمبر 2007 7:28 م

   أولا ياهندسة اسمحلي احييك على مقالتك دي واقولك اني فهمتها وفهمتك كويس

   اللي واضح جدا من الموضوع إنك عملت مقارنة بين الاغاني الشعبية زمان والاغاني الشعبية دلوقتي

   ودوري كقارئة اني اعلق على المقارنة دي واقولك اني مؤيداك في الفرق والاختلاف الواضح جدا

   فعدوية وبارغم من سطحية كلامة اللي إترفض من الإذاعة إلا انة كان في حدود الكلام اللي بيعبر عن الجو الشعبي المصري بتاعنا ماخرجش عن إطار الادب ولا الاخلاق بمعني اصح اغاني ماتتكسفش تسمعها وانت قاعد في بيتك مع اولادك

   معاك حق تقول بحبك ياعدوية لانة عمرة ماقال (طب وريني يانني ياعيني )ولا قال زي اللي بيقال علية انة مغني وانه راجل ( المزيكا ترقصني اليلة ليلة عز تعالي نرقص ونهز ) ولا عمرة غني وقال (هاتشوف رقصي ودلالي )

   بحييك على المقارنة الجامدة دي أسمحلي اقتبس من رد من ردودك فقرة

   ان كان عالاسلوب الاسلوب : انا شايفه اكثر من رائع .
   
   الفكرة : أكثر من جميلة .
   
   طريقة العرض : أكثر من ممتازة

   ببصراحة مش هاقدر اقول اكتر من كدة وبدون مجامله

8. خالد محروس عثمان قال:
   نوفمبر 27th, 2007 at 27 نوفمبر 2007 7:30 ص

   الحمد لله

   أخيرا مشاركة تفتح النفس ، شكرا لك اختي العزيزة هند ، هذا هو ماقصدته ان فيه تدهور حتى في ابسط الاشياء ، واللي اقصده من ورا كدا ان العيب فينا احنا كناس لاننا بنسكت وبنرضى بالحاجة الوحشة بل وبنشجعها بدل مانحاربها ، وعاوز اقول اننا مش لازم دايما نلوم الحكومة ونلوم الظروف ، احنا اللي سمحنا للمغنيين المخربين دول انهم ينتشروا لما بنشغل اغانيهم في افراحنا ونشتري شرايطهم ولما تلاقي الشباب بيقتل بعضه عشان يحضر حفلاتهم ، ربنا يهدي الجميع .

   شرفت المدونة بحضورك ياعزيزتي ، وارجو دوام التواصل .

9. مراقب قال:
   نوفمبر 27th, 2007 at 27 نوفمبر 2007 11:53 ص

   أنا بقى هاتكلم بصراحة بدون الدخول في أمور الحلال والحرام

   أعتقد أن المقالة دي بدون فائدة وعدوية لو كان لسه بيغني دلوقتي كان هايقول أسوأ من كده لأن الجمهور عايز كده.
   وسلامي لشكمان عبدالرحيم

10. ريما الشيخ قال:
    نوفمبر 30th, 2007 at 30 نوفمبر 2007 11:59 ص

    خالد يا خالد
    
    موضوعك بالفعل جميل
    
    وانت عارف انا بحب كل مواضيعك بأسلوبها الجميل البسيط
    
    الذي يريح القارئ ويسعده
    
    انا بسمع بمطرب مصري اسمه عدوية لكن ما بعرف من هو لكن اغاني الحمار وهوله سمعت عنهم كلهم
    
    ومن طريقة عرضك للموضوع بلاقي انه عدوية افضل بمئة مرة من الذي نسمعه اليوم
    
    بتمنالك الافضل
    
    انت صاحب اسلوب جميل ونحب ان نقرا لك دائما
    
    تحياتي ومودتي

11. خالد محروس عثمان قال:
    ديسمبر 1st, 2007 at 1 ديسمبر 2007 12:33 م

    أهلا وسهلا ياريما ، ودخولك على هذا الموضوع بيدل على ذوقك لان فيه احدث منه ومع ذلك لم تتركيه دون رد ، وكلامك هو نفس رأيي أن زمان كان افضل من الآن ، ودائما اسأل نفسي الى متى هذا الانحدار حتى في ابسط الأشياء ؟؟؟ تقبلي خالص تحياتي ومودتي وشكرا لتشريفك .

12. مجهول قال:
    نوفمبر 26th, 2009 at 26 نوفمبر 2009 10:58 ص

    مقرتهوش و مش فاضيه اقرا ايه الهبل ده وانا فاضيه

اكتب تعليــقك